சர்க்கரை நோயாளிகள், வயதானவர்கள் தானிய உணவுகளை அடிக்கடி எடுத்துக்கொள்வது மிகவும் உடலுக்கு நல்லது. இப்போது பாசிப்பருப்பு புட்டு எப்படி செய்வது என்று பார்ப்போம்.
*தேவையான பொருட்கள்:-*
பாசிப்பருப்பு - 2 கப்
வெல்லம் - அரை கப்
தேங்காய் துருவல் - கால் கப்
ஏலக்காய்த்தூள் - 1 டீஸ்பூன்
நெய் - 1 டீஸ்பூன்
உப்பு - 1 டீஸ்பூன்
*செய்முறை:-*
👉 முதலில் பாசிப்பருப்பை ஒரு மணி நேரம் ஊற விடவும். நன்கு ஊறியதும், உப்பு சேர்த்து கெட்டியாக அரைக்கவும்.
👉 அரைத்த மாவை இட்லி தட்டில் ஊற்றி, வேக வைத்து எடுக்கவும். பிறகு இட்லிகளை எடுத்து உதிர்த்து கொள்ளவும்.
👉 பிறகு வெல்லத்தை கரைத்து வடிகட்டிக் கொள்ளவும். உதிர்த்த இட்லியில் வெல்லக் கரைசலை கொஞ்சம் கொஞ்சமாக ஊற்றி, உதிர் உதிராக இருக்கும்படி கிளறவும். இதில் நெய், ஏலக்காய்த்தூள், தேங்காய் துருவல் சேர்த்து கிளறினால் சத்தான பாசிப்பருப்பு புட்டு ரெடி.
0 Comments: