இராமேஸ்வரம்

இராமேஸ்வரம்

மாவட்டம் : இராமநாதபுரம்

இடம் : இராமேஸ்வரம்

முகவரி : இராமேஸ்வரம், இராமநாதபுரம்.

தாலுகா : இராமேஸ்வரம்

வரலாறு : இராமேஸ்வரம், இராமநாதபுரம் மாவட்டத்தில் பாம்பன் தீவில் அமைந்துள்ள ஒரு நகரமாகும். தீபகற்ப பகுதியுடன் பாம்பன் பாலம் இத்தீவை இணைக்கின்றது. மதுரையிலிருந்து 172 கி.மீ. தொலைவில் அமைந்துள்ளது.

சிறப்புகள் :

இந்தியாவின் முன்னாள் குடியரசுத் தலைவர் A.P.J.அப்துல்கலாம் இங்குதான் பிறந்தார்.

இது வங்காள விரிகுடா கடலின் கரையில் அமைந்துள்ளது.

12ம் நூற்றாண்டில் கட்டப்பட்ட, பழமைக்கு சொந்தமானதுமான புகழ்பெற்ற ஆலயங்களுள் ஒன்றான ராமநாதசுவாமி ஆலயம் இங்கு உள்ளது. உலகில் மிக நீண்ட பிரகாரம் என்ற பெருமை இந்த கோவிலுக்கு உண்டு.

தமிழகத்தின் தென்கோடியில் இருக்கும் தீவு. கோவில்களின் தீவு எனவும் அழைக்கப்படுகிறது. வாரணாசிக்கு இணையான புனித வழிபாட்டுத் தலமாக ராமேஸ்வரம் கருதப்படுகின்றது. பாவங்களை போக்கும் தளமாகவும் விளங்குகிறது.

இராமர் இலங்கையிலிருந்து தனது மனைவி சீதையை மீட்க இங்கிருந்துதான் பாலம் அமைத்ததாக நம்பப்படுகின்றது.

மக்கள் இங்கு வந்து புனித தீர்த்தங்களில் நீராடி இறைவனை வழிபட்டால் பாவங்கள் நீங்கும் என நம்புகின்றனர்.

எப்படி செல்வது?

சென்னை உட்பட அனைத்து முக்கிய நகரங்களிலிருந்து ராமேஸ்வரத்திற்கு பேருந்து வசதிகள் இருக்கிறது. ராமேஸ்வரம் பேருந்து நிலையத்திலிருந்து பேருந்து அல்லது ஆட்டோ மூலமாக பயணம் செய்யலாம்.