அரியமான் கடற்கரை

அரியமான் கடற்கரை

மாவட்டம் : இராமநாதபுரம்

இடம் : சாத்தக்கோன்வலசை

முகவரி : சாத்தக்கோன்வலசை, இராமநாதபுரம்.

தாலுகா : சாத்தக்கோன்வலசை

வரலாறு : அழகிய அரியமான் கடற்கரை, இராமநாதபுரம் அருகே சாத்தக்கோன்வலசை ஊராட்சியில் அமைந்துள்ளது.

நீலக்கடல் மின்னுவதாகவும், நாள் முழுவதும் அமைதியாகவும் இருக்கக்கூடிய அழகிய கடற்கரையாக உள்ளது.

இந்த கடற்கரை சுத்தமான கடல் தண்ணீர் மற்றும் அழகான வெள்ளை மணலாலும் நம்மை வரவேற்கிறது.

அழகுக்கு அழகு சேர்க்கும் வகையில் கரையோரங்களில் சவுக்கு மரங்கள் நிறைந்து காணப்படுகிறது.

நாள் முழுவதும் மென்மையான குளிர்காற்று தவழ்ந்து வரும் இந்த கடற்கரையில், இங்குள்ள மர நிழல்களில் அமர்ந்து கடலின் அழகை மெய்மறந்து ரசிக்கலாம்.

இங்குள்ள பூங்காவில் கொஞ்சி விளையாட நீச்சல் குளம், செயற்கை இடி மின்னல், நீர்ச்சறுக்கு போன்ற விளையாட்டு உபகரணங்கள் உள்ளன.

மனதை மயக்கும் இந்த கடற்கரையில் சுடச்சுட பொறிக்கப்படும் மீன்களின் வாசம் நம்மைச் சுண்டி இழுக்கும்.

இந்த கடலின் ஆழமும், அலைகளும் குறைவாக இருப்பதால் குழந்தைகளுடன் குதூகலித்து விளையாட சிறப்பான கடற்கரை.

சிறப்புகள் :

குளுமையான தென்றல்...

மின்னும் நீலக்கடல்...

உற்சாகமூட்டும் நீச்சல் குளம்...

மிரட்டலான செயற்கை இடி மின்னல்...

குதூகலிக்கும் நீர்ச்சறுக்கு விளையாட்டு...

சுண்டி இழுக்கும் மீன் வறுவல்...

வெண்மையான மணல்...

மகிழ்ச்சியான குளியல்...

வளர்ந்து நிற்கும் சவுக்கு மரங்கள்...

போக்குவரத்து :

இராமநாதபுரத்திலிருந்து 27 கி.மீ. தொலைவிலும், இராமேஸ்வரத்திலிருந்து 28 கி.மீ. தொலைவிலும் இந்த அழகிய கடற்கரை அமைந்துள்ளது.